ەندى قاۋىپتى دەرتتىڭ شىرماۋىندا قالىپ, تىنىسى تارىلىپ جاتقان ازاماتتارعا جاساندى دەم بەرەتىن اپپاراتتىڭ كومەگىنسىز-اق ايىعىپ شىعۋعا مۇمكىندىك تۋدى. زەرتتەۋلەر ناتيجەسىنە سايكەس, كوروناۆيرۋسپەن اۋىراتىن ەلۋ ناۋقاستىڭ بىرەۋى عانا گەلي-وتتەگى قوسپاسىمەن دەم العاننان كەيىن جاساندى جەلدەتۋدى قاجەت ەتتى. بۇل تۋرالى رەسەيدىڭ يممۋنولوگتار عىلىمي قوعامىنىڭ پرەزيدەنتى, رەسەي عىلىم اكادەمياسى ورال فيليالىنىڭ يممۋنولوگيا جانە فيزيولوگيا ينستيتۋتىنىڭ عىلىمي ديرەكتورى ۆالەري چەرەشنەۆ مالىمدەدى.
پنەۆمونيانىڭ اسقىنىپ, تىنىس الۋ بەتى كۇرت تومەندەگەندە, 90-95 گرادۋسقا دەيىن قىزدىرىلعان گەلي-وتتەگى قوسپاسىنىڭ اسەرى جاساندى جەلدەتۋدەن ەداۋىر اسىپ تۇسەدى. وسى جۇيە كوميدەگى رەسپۋبليكالىق اۋرۋحانانىڭ بازاسىندا 50 ادامعا سىناق رەتىندە قولدانىلىپتى. ناتيجەسىندە, 50-ءدىڭ ىشىنەن تەك 1 ادامدى عانا جاساندى تىنىس بەرەتىن اپپاراتقا قايتا قوسقان. ءسويتىپ سىكتىۆكارداعى رەسپۋبليكالىق اۋرۋحانادا ۇستاۋ تاجىريبەسى وڭ ناتيجە بەردى.
دارىگەرلەردىڭ ايتۋىنشا ميكروبيولوگتەر باستاپقىدا وسىنداي ينگالياتسيا كەزىندە قولدانىلعان قوندىرعىلاردى جەتىلدىرىپ, دەم شىعاراتىن اۋانىڭ بولەك جۇيەلەرىن جاساۋعا شەشىم قابىلدادى. قازىر ونى جاپپاي وندىرىسكە جىبەرۋ جاعى قاراستىرىلىپ جاتىر.
